युक्रेनको खारकिभमा रुसी सेनाको हवाई आक्रमण, एक भारतीय विद्यार्थीको मृत्यु

प्रकाशित मिति : १७ फाल्गुन २०७८, मंगलबार  ३ : ३१


दिल्ली। रुस र युक्रेनबीच जारी द्वन्द्वका क्रममा एक भारतीय विद्यार्थीको मृत्यु भएको छ।

भारतले खारकिभमा भएको गोलाबारीमा एक भारतीय विद्यार्थीको मृत्यु भएको पुष्टि गरेको छ।

आज मंगलबार खारकिभ क्षेत्रमा रुसी सेनाले हवाई आक्रमण गरेका थिए। सो क्रममा शक्तिशाली बमहरु आवासीय क्षेत्रमा खसाइएको थियो।

सोही आक्रमणमा ती भारतीय नागरिक मारिएको डेली मेलले पनि उल्लेख गरेको छ।

यस्तै युक्रेनी राष्ट्रपति भोलोदिमिर जेलेन्स्कीले खारकिभमा भएको आक्रमणमा युद्ध अपराध भएको बताएका छन्।

रुसी सेनाले आवासीय क्षेत्रलाई निशाना बनाउनु नरसंहार भएको उनको भनाइ छ। सो आक्रमणमा ९ जनाको मृत्यु भएको जानकारी आएको छ। जसमा ३ बालबालिका पनि छन्।


प्रतिक्रिया दिनुहोस्