नाइजेरियामा लासा भाइरसका कारण हालसम्म ३२ जनाको मृत्यु

प्रकाशित मिति : १८ माघ २०७८, मंगलबार  ५ : ४८


नाइजर। नाइजेरियामा लासा ज्वरोको प्रकोपले यस वर्षको सुरुदेखि हालसम्म कम्तीमा ३२ जनाको ज्यान गएको सरकारी अधिकारीले सोमबार जनाएको छ।

नाइजेरिया सेन्टर फर डिजिज कन्ट्रोल एनसीडीसीका अनुसार, पुष्टि भएका घटनाहरूको संख्या ७४ पुगेको र सोही अवधिमा कुल ७५९ संदिग्ध घटनाहरु पनि देखिएको थियो।

जनवरी २६ मा स्वास्थ्य अधिकारीहरूले हालैको प्रकोपको प्रतिक्रियामा राष्ट्रव्यापी लासा ज्वरो आपतकालीन अपरेशनहरू सक्रिय गरेको बताएका छन्।

एनसीडीसीले मृत्यु दर कम गर्न राज्य जनस्वास्थ्य टोलीहरूलाई सहयोग गर्न प्रतिबद्ध रहेको बताएको छ। यो रोग लासा भाइरसका कारण निम्तने गर्दछ।

यो नाइजेरियामा वर्षैभरि देखा पर्दछ, तर सुख्खा मौसममा धेरै देखा पर्ने जनाइएको छ। यो रोगबाट गत वर्ष नाइजेरियामा कम्तीमा ८० जनाको ज्यान गएको एनसीडीसीले जनाएको छ।

पोथी मुसा जसले धेरै प्रजनन गरेको छ उक्त मुसाको टोकाइबाट लासा ज्वरो सर्ने जनाइएको छ।


प्रतिक्रिया दिनुहोस्