इलामको चिया कारखानामा आगलागी

प्रकाशित मिति : २ माघ २०७८, आइतबार  ६ : ०८


इलाम। इलामको सूर्योदय नगरपालिका(४ मा रहेको अन्तुभ्याली चिया उद्योगमा आगलागी भएको छ। स्थानीय, प्रहरी र दमकलको सहयोगमा आगलागी नियन्त्रणको प्रयास भइरहेको छ।

आगलागीका कारण चिया प्रशोधन युनिट जलेर नष्ट भएको छ भने कार्यालय भवनसहित अन्य संरचनामा जोगाउने प्रयन्त भइरहेको छ।

आगलागी नियन्त्रणको लागि गएको वारुण यन्त्रको पानी सकिएपछि नजिकै रहेको अन्तु पोखरीबाट पानी ल्याएर आगो नियन्त्रणको प्रयास भइरहेको स्थानीय रुद्र घिमिरेले जानकारी दिएका छन्।

आगलागीबाट भएको क्षतिको विवरण आइसकेको छैन। अन्तु भ्याली निजी क्षेत्रमा स्थापना गरिएको पुरानो उद्योगहरू मध्येमा पर्छ।


प्रतिक्रिया दिनुहोस्