चुनौती (गजल)

प्रकाशित मिति : २ माघ २०७८, आइतबार  ४ : ११


पर्वतl मेरा विरोधहरु तुहाउने कोशिस गर
हिलोले मलाई नुहाउने कोशिस गर।

हिरा कसो टुक्राउला र मट्यांग्राले
सकिन्छ भने कुहाउने कोशिस गर।

ठोस् हमला कायरद्वारा के अपेक्षा
मार्ने भए विष खुवाउने कोशिस गर।

आँसु पनि म आफै पुछ्न सक्छु
हिम्मत भए अझै रुवाउने कोशिस गर।

खुट्टो मेरो काटी अग्लो हुने लिलिपुट
कमसेकम उचाइमा सुहाउने कोशिस गर।

–लक्ष्मण शर्मा पौडेल


प्रतिक्रिया दिनुहोस्