लिपुलेक विवादबारे भारतको स्पष्टीकरणः हाम्रो धारण स्पष्ट छ

प्रकाशित मिति : १ माघ २०७८, शनिबार  ८ : ४८


काठमाडौं। भारत सरकारले नेपालसँगको सिमानाका सम्बन्धमा आफ्नो धारणा सार्वजनिक रूपमा यथावत र स्पष्ट रहेको बताएको छ।

भारत–नेपाल सीमा समस्याबारे हालै नेपालमा सार्वजनिक भएका समाचार एवं वक्तव्यबारे यहाँस्थित भारतीय राजदूतावासले दुई मुलुकबीच स्थापित अन्तर सरकारी संयन्त्रहरू वार्ता तथा संवादका लागि सबैभन्दा उपयुक्त माध्यम हुन् भन्ने धारणा प्रष्ट्याएको छ।

दुई देशबीचको सीमाका विषयमा आफ्नो धारणा नेपाल सरकारलाई अवगत गराएको जनाउँदै दूतावासले जारी गरेको प्रेस विज्ञप्तिमा ‘दुई पक्षबीच सुल्झाउन बाँकी रहेका सीमासम्बन्धी विषयलाई सधैँ हाम्रो निकट तथा मैत्री सम्बन्धको मर्मका आधारमा सम्बोधन गर्न सकिन्छ’ भनिएको छ।

हालै भारतीय प्रधानमन्त्री नरेन्द्र मोदीले लिपुलेकमा सडक विस्तार गरेको बताएको थियो। त्यसपछि नेपालका राजनीतिक दल तथा नागरिक समाजले नेपाली भूमीमा भारतले सडक बनाउनु सीमा नियमको उल्लंघन तथा ज्यादती भन्दै विरोध जनाएका थिए।


प्रतिक्रिया दिनुहोस्