चीनमा सरकारी कार्यालयको चमेनागृह विष्फोटमा २० जना फसे

प्रकाशित मिति : २३ पुस २०७८, शुक्रबार  २ : ४१


चीनको दक्षिण पश्चिमी वुलोङ जिल्लास्थित छोङकिङ नगरपालिकामा रहेको सरकारी कार्यालयको क्यान्टिनमा शुक्रबार मध्याह्न विस्फोट भएपछि २० जनाभन्दा बढी मानिस फसेका अनुमान गरिएको छ।

गत दिउसो १२ः१० मा ग्यास लिक भएपछि विस्फोट भएको र विष्फोटबाट भवनको तला भत्किँदा कम्तीमा २० जना त्यसभित्र फसेको नगरपालिका स्रोतले जनाएको छ।

प्रत्यक्षदर्शीहरूका अनुसार विस्फोट हुँदा मानिसहरू क्यान्टिनमा खाजा खाइरहेका थिए।

घाइतेमध्ये धेरैलाई उपचारका लागि तत्काल अस्पताल पुर्याइएको र समाचार तयार पार्दासम्म उद्धारकार्य चलिरहेको छ।

चीनको आपतकालीन व्यवस्थापन मन्त्रालयले उद्धार कार्यलाई अनुगमन गर्न विज्ञसहितको एउटा टोली पठाएको छ।

आकस्मिक व्यवस्थापन मन्त्री हुआङ मिङले स्थितिको तत्काल निरीक्षण गर्न, घटनापछि फसेका पीडितको एकीन सङ्ख्या पत्ता लगाउन, दुर्घटनाको कारण पत्ता लगाउन र यस्ता दुर्घटनाफेरि हुन नदिन निर्देशन दिनुभएको छ।

स्थानीय अग्नि नियन्त्रण तथा उद्धार विभागले उक्त स्थानमा २६० जना व्यावसायिक सदस्य र ५० वटा उद्धार यन्त्र पठाएको बताएको छ। मन्त्रालयका अनुसार २० वटा क्रेन र उत्खननका लागि साधनस्रोतले सुसज्जित ६० जना व्यावसायिक व्यक्तिलाई लगिएको छ। एजेन्सी


प्रतिक्रिया दिनुहोस्