माओवादी केन्द्रीय सदस्यले अत्यावश्यक काम बाहेक काठमाडौंमा बस्न नपाउने

प्रकाशित मिति : १६ पुस २०७८, शुक्रबार  ९ : ५२


काठमाडौं। नेकपा (माओवादी केन्द्र)का केन्द्रीय सदस्यले काठमाडौंमा बस्न नपाउने भएका छन्।

पार्टी निर्माणका लागि १५ दिन अनिवार्य श्रम गर्नुपर्ने विषय राजनीतिक दस्तावेजमा उल्लेख गरेका अध्यक्ष पुष्पकमल दाहाल प्रचण्डले प्रतिनिधिलाई जवाफ दिने क्रममा बन्दसत्रमा केन्द्रीय सदस्यले काठमाडौं बस्न नपाउने घोषणा गरेका हुन्।

’पार्टी निर्माणका लागि गाउँ केन्द्रित हुनुपर्छ। केन्द्रीय सदस्य भएर काठमाडौ बसिराख्ने अवस्था छ। यसलाई अन्त्य गरिनुपर्छ। पार्टीका कामबाहेक केन्द्रीय सदस्यले काठमाडौंमा बस्न पाउने छैनन्,’ प्रचण्डले भने।


प्रतिक्रिया दिनुहोस्