119
Shares
जनकपुरधामl धार्मिक तथा ऐतिहासिक सीताराम विवाहपञ्चमी महोत्सव आज बिहीबार विधिवत् रूपमा सम्पन्न हुँदै छ।
महोत्सवको मूख्य आकर्षण भगवान राम र सीताको स्वयंवर विवाह बुधवार राती सम्पन्न पश्चात बिहीबार रामकलेवा हुँदै महोत्सव सम्पन्न हुने जानकी मन्दिरका छोटा महन्थ रोशन दासले बताए।
रामकलेवामा जन्तीको रूपमा भारतको अयोध्यासहितका स्थानबाट आएका सन्तमहन्थहरूलाई जानकी मन्दिरले भोज खुवाई दक्षिणासमेत दिएर बिदाइ गर्ने चलन छ।
पौराणिक कालमा सीतारामको विवाह भएको सम्झना स्वरुप प्रत्येक वर्ष मंसिर शुक्ल पञ्चमीका दिन लाग्ने विवाहपञ्चमी महोत्सवमा स्वदेश तथा छिमेकी मुलुक भारतबाट आएका श्रद्धालुभक्तजनहरू बिहानैदेखि घर फर्किरहेका छन्।
