धरानमा साझा पार्टीबाट राजन कुमार श्रेष्ठ उम्मेदवार

प्रकाशित मिति : २० कार्तिक २०७६, बुधबार  ९ : ३२


काठमाडौं । रविन्द्र मिश्र नेतृत्वको साझा पार्टीले धरानका सामाजिक अभियन्ता राजन कुमार श्रेष्ठलाई पार्टीका तर्फबाट धरान उपमहानगरपालिकाको उमेदवार बनाउने निर्णय गरेको छ।

विगत लामो समयदेखि सामाजिक र राजनीतिक अभियन्ताको रुपमा सक्रिय श्रेष्ठ धरान उपमहानगरपालिकाका वासिन्दा हुनुहुन्छ ।

श्रेष्ठले आफू निर्वा्चित भएको खण्डमा धरान उपमहानगरपालिका भित्र दिर्घकालिन खानेपानीको व्यवस्था गर्ने, बसपार्कको उचित व्यवस्थापन गर्ने र स्थानीय सरकार मातहतमा रहेको सर्दु जलाधार संरक्षणका लागि आवश्यक पहल कदमी लिने बताउँनु भएको छ। 

विपी कोइराला स्वास्थ्य विज्ञान प्रतिष्ठानलाई व्यवस्थित तथा सुविधायुक्‍त बनाउन पहल गर्ने पनि श्रेष्ठले प्रतिवद्धता जनाएका छन् ।

सुसंस्कृत राजनीति र समतामूलक संवृद्धिको राजनीतिक यात्रालाई आत्मसात गर्दै अघि बढेको साझा पार्टीका उम्मेदवारलाई विजयी गराउन हामी सबैसँग हार्दिक अपील गर्दछौँ ।

साझा पार्टीले यस अघि कास्कीको निर्वाचन क्षेत्र नं २, भक्तपुर क्षेत्र नं १ को प्रदेश (क) र दाङ क्षेत्र नं ३ को प्रदेश (ख)मा उमेदवार घोषणा गरिसकेको छ।


प्रतिक्रिया दिनुहोस्