प्रदेश २ मा मन्त्रिपरिषद् विस्तार, को को बने मन्त्री?

प्रकाशित मिति : ५ मंसिर २०७८, आइतबार  ११ : ०१


जनकपुरधाम। दुई मन्त्रीसहित नेकपा एकीकृत समाजवादी प्रदेश २ सरकारमा सहभागि भएको छ।

आइतबार बिहान प्रदेश प्रमुख हरिशंकर मिश्रले मुख्यमन्त्री लालबाबु राउतको सिफारिसमा नेकपा एसका संसदीय दलका नेता सत्रुधन महतो र सांसद प्रमोद यादवलाई मन्त्रीको रूपमा पद तथा गोपनीयताको शपथ गराएका हुन्।

महतोलाई उद्योग पर्यटन वन र यादवलाई कानुन न्याय तथा प्रदेश मामिला मन्त्तालयको जिम्मेवारी दिइएको छ। शपथ ग्रहण समारोहमा मुख्यमन्त्री राउत, प्रदेश सरकारमा भौतिक पूर्वाधार विकास मन्त्री रामसरोज यादव, आन्तरिक मामिला तथा सञ्चारमन्त्री भरत प्रसाद साहसहितको सहभागिता थियो।

योसँगै संघीय सरकारको जस्तै प्रदेश २ सरकार पनि जनता समाजवादी पार्टी, कांग्रेस,नेकपा माओवादी केन्द्र र नेकपा एसको गठबन्ध सरकार भएको छ।


प्रतिक्रिया दिनुहोस्