पोर्चुगललाई स्तब्ध बनाउँदै सर्बिया फिफा विश्वकपमा छनोट

प्रकाशित मिति : २९ कार्तिक २०७८, सोमबार  ७ : ३५


काठमाडौं । पोर्चुगललाई पराजित गर्दै सर्बिया सन् २०२२ कतारमा आयोजना हुने फिफा विश्वकपमा स्थान पक्का गरेको छ । आइतबार कतार विश्वकप अन्तर्गत युरोपियन छनोटमा पोर्चुगललाई २–१ गोलले हराउँदै सर्बियाले विश्वकपमा स्थान पक्का गरेको हो ।

पोर्चुगलको घरेलु मैदानमा रेनेटो सान्चेसले सुरुआती गोल गरेपनी सर्बियाले खेलमा पुनरागमन गरेको हो । खेलको ३३औँ मिनेटमा डुसान टाडिकले गोल गरे भने खेलको ९०औँ मिनेटमा एलेक्सजेण्डर मिट्रोभिकले गोल गर्दै सर्बियालाई २–१ को रोमान्चक जित दिलाए ।

जितसँगै समूह एको सर्बियाले ८ खेलमा २० अंक जोड्दै शीर्ष स्थानमा रहदै विश्वकपमा छनोट भएको हो । पोर्चुगल १७ अंक जोडेर समूहको दोस्रो स्थानमा छ ।अब पोर्चुगलले विश्वकप छनोटका लागि प्ले अफ खेल खेल्नेछ ।


प्रतिक्रिया दिनुहोस्