विश्वमा आजः कोलिम्बियाको सर्वोच्च अदालतमा नरसंहारदेखि अमेरिकामा अब्राहम लिंकन राष्ट्रपति

प्रकाशित मिति : २० कार्तिक २०७८, शनिबार  ७ : १२


आज ६ नोभेम्वर। प्रस्तुत छ विश्वमा आज भएका केही महत्वपूर्ण विश्व घटनाः

कोलम्बियाको अदालतमा नरसंहार

सन् १९८५ मा कोलम्बियामा अप्रिल आन्दोलनका लडाकुले त्यहाँको सर्वोच्च अदालत रहेको प्यालेस अफ जस्टिनलाई नियन्त्रणमा लिएर ३०० जनालाई बन्धक बनाएका थिए। विद्रोही र सरकारी फौजबीचको दोहोरो गोली हानाहानमा सर्वोच्चका ११ न्यायाधीशसहित १०० जनाको मृत्यु भएको थियो।

रंगभेदविरुद्ध संकल्प प्रस्ताव

सन् १९६२ मा राष्ट्रसंघको महासभाले दक्षिण अफ्रिकामा रंगभेद अन्त्य गर्ने संकल्प प्रस्ताव पारित गरेको थियो । राष्ट्रसंघले सदस्य राष्ट्रहरुलाई अफ्रिकामा जारी रंगभेदविरुद्ध कडा रूपमा प्रस्तुत हुनसमेत निर्देशन दिएको थियो।

अब्राहम लिंकन अमेरिकाका १६ औ राष्ट्रपति

आजकै दिन अर्थात ६ नोभेम्बर १८६० मा अब्राहम लिंकन अमेरिकाको राष्ट्रपतिमा निर्वाचित भएका थिए । उनको विजयपछि अमेरिकाको रक्तपातपूर्ण गृहयुद्ध र दास प्रणाली विस्तारै अन्त्य भएको थियो । लिंकन अमेरिकाका १६औं राष्ट्रपति हुन्।

अस्ट्रेलियामा जनमत संग्रह

सन् १९९९ मा अस्ट्रेलियाको संविधान संशोधन गर्न जनमत संग्रह सम्पन्न भएको थियो। राष्ट्रपति राष्ट्रप्रमुख हुने प्रावधानसहितको गणतन्त्रमा जाने विषयलाई अस्ट्रेलियाली नागरिकले अस्वीकार गरेका थिए।

 


प्रतिक्रिया दिनुहोस्