प्रधानमन्त्री ओलीद्धारा भाइटीका ग्रहण

प्रकाशित मिति : असार ६, २०७८ आइतबार


काठमाडौं । प्रधानमन्त्री केपी शर्मा ओलीले आफ्नी बहिनीद्वय विष्णुमाया ढकाल र कौशिलादेवी कोइरालाबाट भाइटीका लगाउनुभएको छ । 

प्रधानमन्त्री निवास बालुवाटारमा आज दिउँसो १ बजेर ३८ मिनेटको समयमा प्रधानमन्त्री ओलीले बहिनीद्वयको हातबाट टीका लगाउनुभएको हो ।

टीका लगाइदिएपछि उहाँहरूले प्रधानमन्त्री ओलीलाई मखमलीको माला लगाई कटुुस, ओखर र मिठाई खुवाएर वात्सल्य प्रस्तुत गर्नुभयो । साथै उहाँहरूले प्रधानमन्त्री ओलीकी धर्मपत्नी राधिका शाक्यलाई पनि टीका लगाइदिनुभयो ।     

प्रधानमन्त्रीले बहिनीलाई टीका लगाइदिएर दक्षिणा तथा स्नेहोपहार पनि प्रदान गर्नुभयो ।

पत्रकारहरुसँग प्रधानमन्त्रीले भाइटीकाको परम्परागत पक्षहरूले नेपाली समाजलाई सुमधुर सम्बन्धसहितको सुव्यविस्थत समाज र मानवीय तथा सामाजिक भावना भएको समाजको रूपमा स्थापित गर्न ठूलो योगदान गरेको बताउँनुभयो ।


प्रतिक्रिया दिनुहोस्