विश्वमा आजः भारतको पहिलो लुनार मिसन जुलियान असान्जद्वारा महत्वपूर्ण कागजात चुहावट

प्रकाशित मिति : ५ कार्तिक २०७८, शुक्रबार  १२ : ३८


भारतको पहिलो लुनार मिसन

सन् २००८ मा भारतको अन्तरिक्ष अनुसन्धान संगठनले मानवरहित यान अन्तरिक्षमा पठाएको थियो । चन्द्रयान–१ नाम दिइएको सो यान सन् २००८ को १४ नोभेम्बरमा चन्द्रमामा अवतरण गरेको थियो । यस उपलब्धिसँगै चन्द्रमामा यान पठाउने भारत पाँचौँ देश बनेको थियो ।

चीनमा लङ मार्च समाप्त

सन् १९३६ मा चीनका नेता माओ जेदोङको नेतृत्वमा भएको रेड आर्मीका सदस्यहरुले सुरु गरेको ६ हजार माईल लामो यात्रा द लङ मार्च समाप्त भएको थियो ।

प्यारासुटबाट हाम फाल्ने पहिलो व्यक्ति

सन् १९७९ मा फ्रान्सेली नागरिक एन्ड्रि ज्याक्स गारनेरिन फ्रान्सको राजधानी पेरिसस्थित पार्कबाट बेलुनमार्फत उडेर इतिहास रचेका थिए ।

जुलियान असान्जको चुहावट

सन् २०१० मा विकिलिक्सका संस्थापक जुलियान असान्जले इराक र अफगानिस्तान युद्धसँग सम्बन्धित हजारौ गोप्य कागजात चुहावट गरेका थिए ।

हेईटीको राष्ट्रपति

सन् १९५७ मा फान्कोइस दुभालियर हेइटीको राष्ट्रपति बनेका थिए ।


प्रतिक्रिया दिनुहोस्