बागमती प्रदेशसभामा गठबन्धनले राजेन्द्र पाण्डेको नाम मुख्यमन्त्रीमा प्रस्ताव गर्‍यो

प्रकाशित मिति : ४ कार्तिक २०७८, बिहिबार  ५ : ०७


काठमाडौं। बागमती प्रदेशसभा बैठकमा गठबन्धनकातर्फबाट मुख्यमन्त्रीमा नेकपा एकीकृत समाजवादीका प्रदेशसभा संसदीय दलका नेता राजेन्द्र पाण्डेको नाम प्रस्ताव गरिएको छ।

प्रदेशसभाको जारी बैठकमा मुख्यमन्त्री अष्टलक्ष्मी शाक्यले विश्वासको मत माग्दै राखेको प्रस्तावमाथिको छलफलमा सहभागी माओवादी केन्द्रका प्रदेशसभा संसदीय दलका नेता शालिकराम जमरकट्टेलले शाक्यलाई विश्वासको मत दिन नसक्ने बताए।

उनले गठबन्धनको तर्फबाट मुख्यमन्त्रीमा नेकपा एकीकृत समाजवादीका नेता राजेन्द्र पाण्डेलाई मुख्यमन्त्रीमा प्रस्ताव गरेको बताए।

प्रदेशसभामा १०९ जना सांसद छन्। सरकार बनाउनका लागि ५५ जना सांसदको समर्थन आवश्यक पर्छ। तर, प्रदेशसभामा अहिले एमालेसँग ४३ जना सांसद छन्। यो संख्या सरकार बनाउन १२ सांसद अपुग हो।


प्रतिक्रिया दिनुहोस्