एमसीसीले किनेको जग्गा विप्लवको कब्जामा

प्रकाशित मिति : २२ आश्विन २०७८, शुक्रबार  ८ : ०२


काठमाडौं। नेत्रविक्रम चन्द ‘विप्लव’ नेतृत्वको नेपाल कम्युनिस्ट पार्टीले एमसीसीको प्रसारण लाइन सबस्टेसनका लागि नुवाकोटमा अधिकरण गरिएको ३८४ रोपनी जग्गा कब्जा गरेको छ।

नुवाकोट जिल्ला बेल्लकोटगढी नगरपालिका वडा नम्बर ७ रातामाटेमा प्रसारण लाइन सबस्टेसनका लागि अधिकरण गरेको ३८४ रोपनी जग्गामा विप्लव कार्यकर्ताहरुले पार्टीको ब्यानरसहित झन्डा गाडी कब्जा गरेका हुन।

नेकपा नुवाकोटले स्थानीय जनताको उपस्थितिमा उक्त जग्गामै झन्डा गाडी विज्ञप्ति टाँगेर कब्जा गरेको जनाएको छ।

नेकपाले उक्त जग्गामै झण्डा गाडेर विरोध प्रदर्शनसहित कोणसभा पनि गरेको छ।

कोणसभामा उक्त जग्गा पार्टीले कब्जा गरेको घोषणा गर्दै सोही जग्गा जनतालाई पूर्ण रुपमा उपभोग गर्न र एमसीसीलाई कुनै पनि हालतमा नदिन नेकपाले अनुरोध गरेको छ।


प्रतिक्रिया दिनुहोस्