‘राधा’मा यस्ती देखिइन् सृष्टि श्रेष्ठ

प्रकाशित मिति : १२ आश्विन २०७८, मंगलबार  ३ : ५७


काठमाडौं । सुवर्ण थापा निर्देशित नयाँ चलचित्र ‘राधा–द सेक्रेट्स अफ राधा’ को फस्र्टलुक पोस्टर सार्वजनिक गरिएको छ।

पोस्टरमा अभिनेत्री सृष्टि श्रेष्ठलाई मात्र प्रस्तुत गरिएको छ। चलचित्रमा सृष्टि शीर्ष भूमिकामा छिन्।

निर्देशक सुवर्ण र अभिनेता सौगात मल्ल निर्माता रहेको फिल्ममा सृष्टिसँगै सौगात मल्ल, खगेन्द्र लामिछाने, मेनुका प्रधान, पशुपति राई, पुष्कर गुरुङलगायतका कलाकारको अभिनय छ।

चलचित्रमा दयाहाङ राई र निश्चल बस्नेत विशेष भूमिकामा रहेको जानकारी निर्माण संस्थाले दिएको छ। नरेन्द्र मैनालीले खिचेको चलचित्रमा कालीप्रसाद बास्कोटाको संगीत छ।

सिनेमा कहिले दर्शकमाझ आउँछ, त्यो भने खुलाइएको छैन।


प्रतिक्रिया दिनुहोस्