ट्वाइलेट बनाएको पैसा नदिएपछि ठेकेदारले यसरी भत्काए नयाँ शौचालय (भिडिओ)

प्रकाशित मिति : ६ आश्विन २०७८, बुधबार  ३ : २३


अमेरिका कोलोराडो राज्यमा एक ठेकेदारले नयाँ शौचालय भत्काइदिएका छन्।

घरधनीले ट्वाइलेट बनाएको पैसा दिन अस्वीकार गरेपछि रुष्ट ठेकेदारले हम्मरले हानेर आफूले बनाएको शौचालय भत्काइदिएका हुन्।

डेली मेलका अनुसार टेरी ग्रेगोरी नामका ठेकेदारले घरधनीसँग ४ हजार अमेरिकी डलर पारिश्रमिक र सामग्री खर्च माग्दा उनीहरुले त्यो दिन अस्वीकार गरेका थिए।

ड्रिम होम रिमोडल्सका ठेकेदार ग्रेगोरीका अनुसार हप्तौं लगाएर एम्बर ट्रक नाम गरेका व्यक्तिको शौचालय निर्माण गरिएको थियो। तर उनले पैसा नतिर्ने भनेपछि आफूहरु त्यो भत्काउन बाध्य भएको ग्रेगोरी बताउँछन्।

(भिडिओ)

भिडिओमा देखिएअनुसार एम्बरले अर्काको घर किन भत्काएको भनेर प्रश्न गरेका छन्। उत्तरमा ग्रेगोरीले पैसा तिरेको भए भत्काउँदिन भनेको सुन्न सकिन्छ।

ट्रकले यो घटनापछि आफूलाई शौचालय निर्माणको काममा चित्त नबुझेको बताएकी छिन्। उनले पैसा दिन ढिलाई गर्दा यस्तो भएको जनाएकी छिन्।

‘You didn’t do... the window. I had black mold in my walls because that window isn’t usable. I asked you days ago... if you were flipping it and you STILL said yes. The second you realized it couldn’t be flipped you should’ve said something'


प्रतिक्रिया दिनुहोस्