अर्थमन्त्रीको ‘बेलुन भरिएको’ अभिव्यक्तिपछि नेप्सेमा उच्च अङ्कको पहिरो

प्रकाशित मिति : ४ आश्विन २०७८, सोमबार  ८ : ४५


काठमाडौं । धितोपत्र बजारमा शेयर कारोबार मापक नेप्से परिसूचक आज ११४.०२ अङ्कले घटेको छ।

नेपाल स्टक एक्सचेञ्जका अनुसार नेप्से उच्च अङ्कले ओरालो लागेर दुई हजार ६९८.२४ मा ओर्लिएको छ।

यस्तै, ठूला कम्पनीको शेयर कारोबार मापन गर्ने सेन्सेटिभ इन्डेक्स १९.५१ बिन्दुले घटेर ५०६.२७ मा सिमित भएको छ।

कूल २२५ कम्पनीको एक करोड ७३ लाख ३० हजार ५३८ कित्ता शेयर रु आठ अर्ब ४९ करोड ३४ लाख एक हजार ९ मूल्यमा खरिद बिक्री भए।

सोमबारको कारोबारपछि बजार पूँजीकरण रु ३७ खर्ब ७६ अर्ब ४० करोड ७४ लाख ८५ हजार ५७० बराबरमा रहेको छ।

कारोबार भएका १३ वटै उपसमूहको शेयर ओरालो लागेको छ । बैंकिङ ५१.४६, व्यापार १५६.९८, होटल तथा पर्यटन १५८.१३, विकास बैंक ३३२.३८, जलविद्यत् २२०.२९, वित्त २२९.६९, निर्जीवन बीमा ६१४.२१, उत्पादन ९१.९६, अन्य ७०.६१, लघुवित्त १६२.३२, जीवन बीमा ८००.०६, सामूहिक लगानी कोष ०.४८ र लगानी ५.२९ बिन्दुले ओरालो लागेको छ।

कारोबारका आधारमा अरुण भ्याली हाइड्रोपावर शीर्ष स्थानमा रहेको छ ।

सो कम्पनीको रु ४० करोड ६५ लाख ३१ हजार ४३६ बराबरको कारोबार भयो। त्यस्तै, हिमालयन डिस्टिलरी रु २२ करोड ५५ लाख ८९ हजार ७७१, नबिल बैंक रु १८ करोड ४४ लाख ४० हजार ७६३, युनाइटेड मोदी १७ करोड ६६ लाख ६८ हजार र अपि पावर कम्पनी रु १६ करोड ६३ लाख २० हजार ८५९ बराबरको कारोबार भई शीर्ष पाँच भित्र परेका छन्।

नेप्सेका अनुसार आज मनकामना स्मार्ट लघुवित्तको शेयर मूल्यमा ९.९९ प्रतिशतले वृद्धि भयो। त्यस्तै, डिप्रोक्स लघुवित्त २.०४, लक्ष्मी लघुवित्त १।९९, सनराइज बैंकको ऋणपत्र ०.९५ र नबिल ब्यालेन्स फण्ड दोस्रोका लगानीकर्ताले ०.६३ प्रतिशतले कमाए।

उता, विभिन्न ११ कम्पनीको शेयर मूल्य १० प्रतिशतले ओरालो लागेर नकारात्मक सर्किट लागेको छ। त्यसमा अधिकांश जलविद्युत् कम्पनीका शेयर छन्।

आजको घटाईलाई कतिपयले अर्थमन्त्री जनार्दन शर्माको पछिल्लो अभिव्यक्तिलाई पनि कारण मानेका छन।

२ दिन अघि एक कार्यक्रममा अर्थमन्त्री शर्माले ‘सेयर बजारका बारेमा मलाई केही नभन्नू भनिएको छ, अहिले हावा भरेको बेलुन जसरी सेयर फुलेको छ भन्दै’ अभिव्यक्ति दिएका थिए।

सो अभिव्यक्तिविरुद्ध धेरैले आक्रोश पोखेका छन। लगानीकर्ता अम्बिका प्रसाद पौडेल जिम्मेवार निकायका पदाधिकारीको गैरजिम्मेदार बोली पनि बजार घट्नुको मुख्य कारक रहेको बताउँछन।

सुचिकृत कम्पनीको तथ्याङ्क एवं कार्यसम्पादन सन्तोषजक रहँदा पनि नराम्ररी घटेको बजारले सबै मारमा परेको उनको भनाई छ।


प्रतिक्रिया दिनुहोस्