१,७६० कोरोना संक्रमित थपिए, ७ जनाको मृत्यु

प्रकाशित मिति : ३० भाद्र २०७८, बुधबार  ४ : ५०


काठमाडौं । विगत २४ घण्टामा देशभर एक हजार ७६० मा सङ्क्रमण पुष्टि भएको छ।

स्वास्थ्य तथा जनसङ्ख्या मन्त्रालयका प्रवक्ता डा.कृष्णप्रसाद पौडेलका अनुसार १६ हजार ८४४ मा परीक्षण गर्दा सो सङ्ख्यामा सङ्क्रमण पुष्टि भएको छ।

यसैगरी आज काठमाडौँ उपत्यकामा ४९५ जनामा सङ्क्रमण पुष्टि भएको छ। उनका अनुसार भक्तपुरमा ६३ जना, ललितपुरमा ७२ र काठमाडौँ ३६० सङ्क्रमित भेटिएका छन्।

पछिल्लो पटक कूल परीक्षण गराएकामध्ये सङ्क्रमित हुने दरमा पनि कमी आएको पौडेलले बताए।

गत साउनमा परीक्षण गराएकामध्ये २२ प्रतिशतमा सङ्क्रमण हुने गरेकामा हाल आएर त्यो घटेको पाइएको उनको भनाइ छ। कूल परीक्षण गरिएकामध्ये १०।६ प्रतिशतमा सङ्क्रमण देखिएको पौडेलले जानकारी दिए।

यस्तै सक्रिय सङ्क्रमित २६ हजार ३०३ छन्। पाँच हजारभन्दा बढी सङ्क्रमित भएका जिल्ला ११ छन्।

यस्तै, उनका अनुसार एक हजार २२० सङ्क्रमण मुक्त भएका छन्। हालसम्म सात लाख ४३ हजार ५२६ सङ्क्रमण मुक्त भएका छन्। नेपालमा सङ्क्रमण मुक्त हुने दर ९५.२ प्रतिशत छ।

यस्तै सङ्क्रमणबाट विगत २४ घण्टामा सात जनाको ज्यान गएको छ। हालसम्म सङ्क्रमणबाट १० हजार ९९१ को मृत्यु भएको छ। नेपालमा प्रति लाखमा ३७० को सङ्क्रमणको कारणले मृत्यु हुने गरेको छ।

यस्तै ४०७ सघन उपचार कक्ष ९आइसियु०, १२९ जना भेन्टिलेटर, २४ हजार ६८३ जना होम आइसोलेशन, एक हजार ६२४ जना संस्थागत आइसोलेशन र २१८ जना क्वारेन्टिनमा छन्।

यसैगरी आज २९ लाख ९१ हजार १३१ ले कोरोना भाइरस विरुद्धको खोप लगाएका छन्। हालसम्म ६० लाख चार हजार १९ ले पहिलो मात्रा र ५४ लाख १५ हजार ४२७ ले पूर्ण मात्राको खोप लगाइसकेका छन्।


प्रतिक्रिया दिनुहोस्