तालिबानले कब्जा गरेको अफगानिस्तानलाई ३० लाख डोज खोप सहयोग गर्दै चीन

प्रकाशित मिति : २९ भाद्र २०७८, मंगलबार  १२ : १६


अफगानिस्तानलाई ३ करोड अमेरिकी डलरभन्दा बढी आर्थिक सहयोग प्रदान गर्ने घोषणा गरेको चीनले ३० लाख डोज खोप पनि सहयोग गर्ने बताएको छ।

हालै मात्र चिनियाँ विदेशमन्त्री वाङ यीले तालिबानको आगमनपछि अफगानिस्तान पुनः निर्माणमा तालिबानलाई ३ करोड अमेरिकी डलरभन्दा बढी आर्थिक सहयोग गर्ने बताएका थिए।

चिनियाँ बीआरआई परियोजना अगाडि बढाउन तालिबानहरु सहमत भएपछि चीनले अफगानिस्तानलाई सहयोग गर्ने वाचा गरिरहेको हो।

संयुक्त राष्ट्रसंघमा चिनियाँ मिसनका प्रमखु चेन सुले सोमबार दिएको जानकारी अनुसार ३० लाख डोज खोप तत्काल आपूर्ति गरिनेछ।

सुका अनुसार २० करोड युआन बराबरका सहयोगमा खोपसँगै आवश्यक खाद्य सामग्री, जाडोमा प्रयोग हुने सामग्री तथा औषधिहरु सामेल हुनेछन्। एजेन्सी


प्रतिक्रिया दिनुहोस्