‘मै हुँ ना’को सिक्वेलका लागि शाहरुखको निर्णय कुर्दै फराह खान

प्रकाशित मिति : १४ भाद्र २०७८, सोमबार  ७ : ४४


सन् २००४ मा फिल्म ‘मै हुँ ना’मार्फत कोरियोग्राफर फराह खानले निर्देशनमा डेब्यु गरेकी थिइन्। उनलाई निर्देशक बनाउने श्रेय शाहरुख खानलाई जान्छ। शाहरुखले नै फिल्म निर्माण गर्नुका साथै लिड रोल प्ले गरेका थिए।

त्यसपछि यी दुईको सहकार्य ओम शान्ति ओम र ह्याप्पी न्यु इयरमा पनि भयो। यी तिनै फिल्म बलिउडको बक्स अफिसमा रेकर्ड बनाउँदै सफल रहे। तर, त्यसपछि यता फराह र शाहरुखको सहकार्य हुन् सकेको छैन।

एक अन्तर्वार्ताको क्रममा फराहलाई ‘मै हुँ ना’को सिक्वेलकाबारेमा प्रश्न गरियो। फिल्म बन्ने सम्भावना कतिको छ रु उनले जवाफ दिइन्, ‘यो सबै शाहरुखको निर्णयमा भर पर्छ ।’

उनले फिल्मको सम्पूर्ण अधिकार शाहरुखको कम्पनी रेड चिल्लीसँग रहेको जानकारी दिइन्। ‘सिक्वेलको लागि शाहरुख नै चाहिन्छ, उनलाई फिल्म गर्नुपर्छ भन्ने लाग्छ भने हामी तयार छौ’, फराहले भनिन्, ‘फिल्मको लागि हामीसँग केहि आइडिया पनि छन्।’


प्रतिक्रिया दिनुहोस्