भरतपुर विमानस्थलमा भएको आगलागी नियन्त्रणमा, विशिष्ट कक्षमा क्षती

प्रकाशित मिति : ३० श्रावण २०७८, शनिबार  ११ : १६


भरतपुर विमानस्थलको विशिष्ट कक्षमा आगलागी भएको छ। आज बिहान ६ः४५ बजे विद्युत् चुहावट भएर आगलागी भएको विमानस्थलले जनाएको छ।

विमानस्थलका सूचना अधिकारी पुष्कलराज शर्माका अनुसार विशिष्ट कक्षमा भएको लागलागी ७ बजे नियन्त्रणमा आएको हो। त्यही रहेका अग्निनियन्त्रक साधनले आगो नियन्त्रणमा लिइएको उनले जानकारी दिए।

आगलागीबाट विशिष्ट कक्ष पूर्णरुपमा क्षति भएको उनको भनाइ छ। क्षतिको विवरण भने केन्द्रीय कार्यालयबाट प्राविधिक समूह आएर हेरेपछि मात्र भन्न सकिने बताइएको छ।


प्रतिक्रिया दिनुहोस्