यस्तो छ आजको मौसम, घरबाहिर निस्किँदा यी कुरामा ध्यान दिनुस्

प्रकाशित मिति : ७ श्रावण २०७८, बिहिबार  ७ : २३


काठमाडौं । आज देशका अधिकांश क्षेत्रमा भारी वर्षाको सम्भावना रहेको छ।

बिहान देशभर सामान्यदेखि पूर्ण बदली रहेको जल तथा मौसम विज्ञान विभागले जनाएको छ। अहिले प्रदेश १, प्रदेश २, बागमती, गण्डकी, लुम्बिनी र सुदूरपश्चिम प्रदेशका केही स्थानमा सामान्य वर्षा भइरहेको मौसम पूर्वानुमान महाशाखाले जनाएको छ।

मनसुनको न्यून चापीय रेखा नेपालको तराई भू–भाग नजिक रहेका कारण दैनिक रुपमा वर्षा भइरहेको र यो क्रम अझैं केही दिन रहने महाशाखाले जनाएको छ।

महाशाखाका अनुसार आज दिउँसो देशभर सामान्यदेखि पूर्ण बदली रही धेरै स्थानमा हल्कादेखि मध्यम वर्षाको सम्भावना छ।

गण्डकी, लुम्बिनी तथा सुदूरपश्चिम प्रदेशका केही स्थानमा भारी वर्षाको सम्भावना महाशाखाको भनाइ छ।

राति देशभर सामान्यदेखि पूर्ण बदली रही धेरै स्थानमा हल्कादेखि मध्यम वर्षाको सम्भावना रहेको छ। गण्डकी, र बागमती प्रदेशका एक–दुई स्थानमा भारी वर्षाको सम्भावना रहेको मौसम पूर्वानुमान महाशाखाले जानकारी दिएको छ।


प्रतिक्रिया दिनुहोस्