लडेर खोलामा डुब्दा एक जनाको मृत्यु

प्रकाशित मिति : असार ६, २०७८ आइतबार


अर्घाखाँची । सन्धिखर्कमा बागी खोलामा डुबेर आज एक जनाको मृत्यु भएको छ।

सन्धिखर्क –११ माटेस्थित बागी खोलामा निर्माणाधीन पक्की पुलको नजीकै जम्मा भएको पानीमा डुब्दा रामपतका कुलबहादुर कुमालको घटनास्थलमै मृत्यु भएको जिल्ला प्रहरी कार्यालय अर्घाखाँचीका प्रहरी नायब उपरीक्षक माधव बुढाथोकीले जानकारी दिए।

उनन्चास वर्षीय कुमाल माटेस्थित आफ्ना खेतमा धानको बीउ राख्ने काम सकेर घर फर्कँदै गर्दा एक्कासि लड्न पुग्दा पानीमा डुबेर मृत्यु भएको बताइएको छ। रासस


प्रतिक्रिया दिनुहोस्