हराउँदै अक्सिजन सिलिण्डर

प्रकाशित मिति : असार ३, २०७८ बिहीबार


काठमाडौं । अक्सिजन सिलिण्डर हराउन थालेका छन् । अव्यवस्थित वितरण प्रणालीका कारण ठूलो संख्यामा सिलिण्डर हराइरहेको नेपाल अक्सिजन उत्पादक संघले जनाएको छ ।

संघका अनुसार अक्सिजन सिलिण्डर प्रयोग गर्न अस्पतालदेखि सर्वसाधारणसम्मले सिलिण्डर बापत धरौटी रकम जम्मा गरेका छैनन् ।

उद्योग परिसरबाट व्यक्तिगत रुपमा सर्वसाधारणका साथै सुरक्षाकर्मी, अस्पताल, विभिन्न संस्था र अन्य सरोकारवाला निकायले धरौटी र भाग बेगर सिलिण्डर लगेकाे खबर अन्नपूर्ण पोष्ट दैनिकमा छ ।

उद्योगबाट एउटा अस्पतालका लागि निस्केको सिलिण्डरको गाडीबीच बाटो र उद्योग परिसरबाटै सेना तथा सुरक्षाकर्मीले जफत गरी विभिन्न स्थानमा पुर्‍याएका कारण अधिकांश उद्योगको सिलिण्डर हराइरहेको उद्योगीहरु बताउँछन् ।


प्रतिक्रिया दिनुहोस्