शपथ लिनु अघि , प्रधानमन्त्री केपी ओलीलाई रबी लामिछानेले गरे यस्तो अनुरोध

प्रकाशित मिति : असार १, २०७८ मंगलबार


प्रधानमन्त्री केपी शर्मा ओलीले शपथ लिनु भन्दा अगाडी उनलाई  पत्रकार रबी लामिछानेले देश र जनतासँगै भगवानको  नाममा पनि शपथ लिइदिन अनुरोध गरेका छन् ।

जनमैत्री अस्पतालको प्राङ्गणबाट नमस्कार गर्दै लामिछानेले  यहाँ  मात्र होइन हरेक अस्पतालमा बिरामीहरूको अवस्था पीडा भान्दापनि पिडादायी छ। आज तपाईँ पुनः प्रधानमन्त्रीको हैसियतमा शपथ लिँदै हुनुहुँदो रहेछ। सायद राजनीतिक लडाइ अब अलि मत्थर पनि भयो होला भन्दै कोभिड नियन्त्रणलाई मात्रै प्राथमिकतामा राखिदिन अनुरोध गरेका छन् ।

उनको अनुरोध यस्तो छ ।

सम्माननिय प्रधानमन्त्री श्री के पी ओली ज्यु, जनमैत्री अस्पतालको प्राङ्गणबाट नमस्कार।यहाँ मात्र होइन हरेक अस्पतालमा बिरामीहरुको अवस्था पीडा भान्दापनि पिडादायी छ। आज तपाईं पुनः प्रधानमन्त्रीको हैसियतमा सपथ लिदै हुनुहुदो रहेछ। सायद राजनीतिक लडाइ अब अलि मत्थर पनि भयो होला।

आज बाट कृपया कोभिडमा मात्र फोकस भैदिनुहुन म यो देशका तमाम बिरामी र तिनका आफन्तको तर्फबाट दश औला जोडि, तपाईंको पाउ नै समातेर नम्र निवेदन गर्द्छु। तपाईंको अस्पताल पर्दा तपाईंले बेड,अक्सिजन, रगत वा किड्नी नपाएको भए के हुन्थ्यो होलारु अहिले जनताको हालत त्यो भन्दा कम खराब छैन। नपत्याए, सपथ पछि कुनै पनि अस्पतालको भ्रमण गर्नु होला। यति बेला तपाईं जनताको आशुको आहालसँगै सपथ ग्रहण गर्दै हुनु हुन्छ।

यो परिस्थितिका लागि तपाईलाई मात्रै दोष दिएको होइन, यो स्थिति आउनुमा तपाई, म र अरु धेरै जना, किसिम किसिमले दोषी छौ। एउटा सामान्य ब्यक्तिले जति गर्न सक्छ,म त्यो सबै गर्न तयार छु। के तपाई पनि तयार होरु पार्टी बच्यो, पद बच्यो। अब आउनुहोस् जनता बचाऔं।

अब यसपछि पनि केही समयका लागि तपाई वा तपाईंका कुनै नेता,मन्त्रीहरूको प्राथमिकता कोभिड भन्दा अर्को केही हो भने तपाईलाई र त्यो जो कोहि लाई पनि धेरै जनाबाट, कम्तीमा पनि म बाट चाहिँ खतरा छ। (ज्यानको होईन है, अपब्याख्याको कष्ट नगर्नु होला, ब्याख्या गर्दै गरौंला)। यो धम्की।। दिन खोजेको होइन, दिएकै हो। तपाईका वैतनिक अवैतनिक सेना हरु सँग लडेको त कति भो कति, ७ जुनी डराउन्न। डराउने र हिसाब दिने भगवानलाई हो,कुनै पार्टिका लठैतलाई होइन । यस अघि तपाईंले सपथ लिदा भगवानको नाममा सपथ लिनु भएको थिएन।तर आज चाहि कृपया देश र जनतासँगै भगवानको नाममा पनि सपथ लिइदिनु होला। मलाई लाग्छ,यो महामारीमा अहिलेसम्म यो देश र यस देशका जनता लाई भगवानको बाहेक कसैको भरोसा छैन। तपाईको कार्यकाल असल रहोस्।


प्रतिक्रिया दिनुहोस्