पश्चिम बंगालमा चुनावी नतिजापछि हिंसा भड्किदा १७ जनाको मृत्यु

प्रकाशित मिति : असार ५, २०७८ शनिबार


कोलकाता । भारतको पश्चिम बंगालमा विधानसभाको चुनावी नतिजापछि भड्कीएको हिंसामा कम्तिमा १७ जनाको मृत्यु भएको छ।

राजनीतिक दलका कार्यकर्ताबीच झडप हुँदा सो संख्यामा मृत्यु भएको भारतीय सञ्चार माध्यमले जनाएका छन्।

भारतको सत्ताधारी दल बिजेपीले सो घटनामा आफ्ना ७ कार्यकर्ता मारिएको जनाएको छ भने टिएमसले आफ्ना कार्यकर्ता पनि मारिएको बताउँदै यसमा बिजेपीको हात रहेको आरोप लगाएको छ।

बिजेपीका अध्यक्ष जे.पी.नड्डा हाल पश्चिम बंगालमै छन्। मुख्यमन्त्री ममता बनर्जीले विधानसभा चुनावमा आफुनो लज्जास्पद हार नस्वीकारेर बिजेपीले साम्प्रदायिक हिंसा भड्काई रहेको आरोप लगाएकी छन्।

बनर्जीले लिइन मुख्यमन्त्रीको शपथ

भारतको पश्चिम बंगाल राज्यको मुख्यमन्त्रीमा नियुक्त भएकी त्रिणमुल कङ्ग्रेस पार्टीकी अध्यक्ष ममता बनर्जीले बुधबार मुख्यमन्त्री पदको शपथ लिएकी छन्।

उनी लगातार तेस्रो कार्यकालका लागि मुख्यमन्त्री बनेकी हुन।

मुख्यमन्त्री पदको शपथ लिएपछि सम्बोधन गर्दै बनर्जीले हालै सम्पन्न चुनावपछि राज्यमा भएका हिंसामा संलग्नमाथि कडा कारबाही गरिने बताइन्।

बनर्जी पश्चिम बंगालको एक्काइसौं मुख्यमन्त्री हुन।

मुख्यमन्त्रीको हेस्टिङ्स कार्यालयमा शपथ ग्रहण कार्यक्रम चलिरहँदा बाहिर सडकमा मुख्य विपक्षी भारतीय जनता पार्टीका कार्यकर्ताले विरोध प्रदर्शन गरेका थिए।

उनीहरुले आफ्ना दर्जनौं कार्यकर्ताको मुख्यमन्त्री बनर्जीको पार्टीका समर्थकले हत्या गरेको आरोप लगाएका थिए ।

तथापी, शपथ कार्यक्रममा भाजपाका अध्यक्ष जेपी नड्डा र राज्यका पार्टी प्रमुख दिलीप घोष सहभागी भएका थिए।

मुख्यमन्त्री बनर्जीले कोभिड–१९ संक्रमणलाई नियन्त्रणमा ल्याउन आफूले उच्च प्राथमिकता दिने बताइन्।

साथै उनले राज्यमा शान्ति र अमनचयन कायम गर्न सबै पक्षसँग आग्रह पनि गरिन्।

पश्चिम बंगालमा हालै सम्पन्न विधानसभा निर्वाचनमा बनर्जीको त्रिणमुल कङ्ग्रेसले प्रचण्ड बहुमत हासिल गरेको थियो भने भारतीय जनता पार्टीले दोस्रो स्थान हासिल गरेको थियो । तर नन्दीग्रामबाट चुनाव लडेकी बनर्जी भने भाजपाका उम्मेदवार शुभेन्दु अधिकारीसँग पराजित भएकी थिइन्।

पार्टीले बहुमत हासिल गरेपछि तेस्रो पटक मुख्यमन्त्री बनेकी बनर्जीले संविधान बमोजिम छ महिनाभित्र विधानसभाको सदस्य हुनु पर्नेछ।


प्रतिक्रिया दिनुहोस्