सीईडीबी हाइड्रोपावरको आइपीओ वैशाख १७ गतेदेखि खुल्दै

प्रकाशित मिति : ८ बैशाख २०७८, बुधबार  २ : १०


काठमाडौं । सिईडीबी हाइड्रोपावर डेभलपमेन्ट कम्पनीले वैशाख १७ गतेदेखि धितोपत्रको प्रारम्भिक सार्वजनिक निष्कासन (आईपीओ) बिक्री खुला गर्ने भएको छ ।

कम्पनीले प्रतिकित्ता १०० रुपैयाँ अंकित मूल्यमा २५ करोड १८ लाख २१३ जार रुपैयाँ बराबरको २५ लाख १८ हजार २३० कित्ता साधारण सेयर निष्कासन गर्नेछ ।

कम्पनीले जारी पूँजी ८३ करोड ९४ लाख १० हजार रुपैयाँको ३० प्रतिशतले हुने २५ करोड १८ लाख २३ हजार रुपैयाँ बराबरको आईपीओ निष्कासन गर्न लागेको हो ।

कुल निष्कासनमध्ये २ प्रतिशत अर्थात ५० हजार ३६५ कित्ता सेयर कर्मचारीका लागि र ५ प्रतिशत अर्थात १ लाख २५ हजार ९११ कित्ता शेयर सामुहिक लगानी कोषलाई छुट्याएर बाँकी २३ लाख ४१ हजार ९५४ कित्ता सेयर सर्वसाधारणका लागि बिक्री खुला गर्नेछ ।

कम्पनीको आईपीओ बिक्रीका लागि धितोपत्र निष्कासन तथा बिक्री प्रबन्धकमा सनराइज क्यापिटल लिमिटेडलाई नियुक्त गरेको छ ।

वैशाख १८ गतेदेखि निष्कासन हुने उक्त आईपीओमा सर्वसाधारणले छिटोमा वैशाख २१ गतेसम्म र उक्त अवधिमा पूर्णरुपमा बिक्री नभएमा वैशाख ३१ गतेसम्म आवेदन दिन सक्नेछन् ।

उक्त आईपीओमा न्यूनतम १० कित्ता देखि बढीमा २५ लाख १८ हजार २३० कित्तासम्मको लागि आवेदन दिन सक्नेछन् ।

सर्वसाधारणले नेपाल धितोपत्र बोर्डबाट स्वीकृति प्राप्त सि–आस्बा सदस्य बैंक तथा वित्तीय संस्थाका साथै मेरो सेयरबाट समेत आवेदन दिन सक्नेछन् ।

कम्पनी आईपीओ निष्कासनका लागि गराएको रेटिङ्गमा केयर रेटिङ्ग नेपालले कम्पनीलाई ‘केयर एनपी डबल बि आइएस रेटिङ्ग’ प्रदान गरेको छ ।

यसले कम्पनीको दायित्व बहन गर्ने क्षमतामा औसत जोखिम रहेको जनाउँछ । कम्पनीको ४ जलविद्युत् आयोजना निर्माणाधीन छन् भने ३ आयोजना निर्माण सम्पन्न भई सञ्चालनमा छन् ।


प्रतिक्रिया दिनुहोस्