चीनले ताइवानको आकासमा एकैपटक पठायो २५ वटा युद्ध विमान

प्रकाशित मिति : असार १०, २०७८ बिहीबार


चीन । चीनले ताइवानको आकासमा एकैपटक २५ वटा युद्ध विमान पठाएको छ । जुन अहिलेसम्मकै सबैभन्दा धेरै हो ।

ताइवानको रक्षा मन्त्रालयले सोमबार लडाकु र परमाणु-सक्षम बमवर्षक सहित २५ वटा चिनियाँ विमान आफ्नो ‘वायु रक्षा पहिचान क्षेत्र’मा प्रवेश गरेको जनाएको छ । तर ताइवानले निगरानी तथा प्रतिरक्षाका लागि लडाकु विमान तैनाथ गरेको जनाएको छ ।

चीनले यसअघि पनि ताइवानको आकासमा यसै गरी युद्ध विमान पठाउने गरेको थियो ।

ताइवानलाई आफ्नो हिस्सा मान्दैआएको चीन सरकारले पटक पटक निगरानी तथा क्षेत्रीय रक्षाका लागि भन्दै विमान पठाउने गरेको छ ।

तर ताइवानले आफूलाई सार्वभौम राष्ट्रका रूपमा चिनियाँ गतिविधिको विरोध गर्ने गरेको छ ।

यसवाहेक अमेरिकाले पनि ताइवानमा हुने गरेका चिनियाँ गतिविधिको विरोध गर्दैआएको छ ।

ताइवानको दक्षिणी भाग र दक्षिण चीन सागरको बीचको अन्तर्राष्ट्रिय जल क्षेत्रलाई लिएर चीन र अमेरिकाबीच पछिल्लो समय चर्को विवाद हुँदैआएको छ । जहाँ चीनले नियमित जस्तै विमान उडाउने गरेको छ ।


प्रतिक्रिया दिनुहोस्