उपलब्धि रक्षाका लागि राष्ट्रिय एकता आवश्यक– अध्यक्ष यादव

प्रकाशित मिति : १७ चैत्र २०७७, मंगलबार  ३ : ४८


काठमाडौं । जनता समाजवादी पार्टी नेपालका अध्यक्ष उपेन्द्र यादवले लामो संघर्षपछि प्राप्त भएको उपलव्धि रक्षाका लागि राष्ट्रिय एकता आवश्यक भएको बताएका छन् ।

उनले पछिल्लो समय संघीय लोकतान्त्रिक गणतन्त्रको भविष्यमा शंका उत्पन्न भएको बताए ।

रिपोर्टर्स क्लवको वार्षिकोत्सव कार्यक्रममा उनले भने, ‘संघीय लोकतान्त्रिक गणतन्त्रको स्थापनापछि जनताले वास्तवमा ठूलो आशा गरेका थिए । अब देश राजनीतिकरूपले संस्थागत भएर जान्छ भन्ने । तर, अहिले अर्कै अवस्था छ ।’

उनले अब आइन्दा आफ्ना परिपत्रहरूमा संघीय लोकतान्त्रिक गणतन्त्र नेपाल नलेख्ने सरकारले निर्णय गरेको भन्दै उनले असन्तुष्टि जनाए ।

‘प्रधानमन्त्रीजी यहीँ हुनु हुन्छ, मलाई मन्त्रिपरिषद्को यस्तो निर्णय सुन्दा दुख लागेको छ । यो गणतन्त्रको भविष्यमा चारैतिरबाट आशंका उत्पन्न भइरहेको छ,’ यादवले भने ।


प्रतिक्रिया दिनुहोस्