भारतमा ह्वातै बढे कोराना संक्रमित

प्रकाशित मिति : असार ७, २०७८ सोमबार


काठमाडौं । भारतमा ह्वातै कोरोना भाइरस संक्रमित बढेका छन् ।

पछिल्लो २४ घण्टामा मात्रै भारतमा ४३ हजार ८१५ जनामा सङ्क्रमण पुष्टि भएको छ ।

यो सन् २०२१ को अहिलेसम्मकै सबैभन्दा धेरै भएको भारतीय सञ्चारमाध्यमले जनाएका छन् ।

योसँगै भारतमा जम्मा सङ्क्रमितको संख्या एक करोड १५ लाख ९८ हजारभन्दा धेरै भएको छ ।

भारतको केन्द्रीय स्वास्थ्य मन्त्रालयका अनुसार पछिल्लो २४ घण्टामा २३ हजार ६५३ जना निको भएर डिस्चार्ज भएका छन् ।

यस्तै पछिल्लो २४ घण्टामा भारतमा १९६ जनाको ज्यान गएको छ ।

योसँगै ज्यान जानेको संख्या एक लाख ५९ हजार ७९० भन्दा धेरै पुगेको छ । सरकारी अधिकारीहरुका अनुसार भारतमा अहिलेसम्म २३ करोड २४ लाखभन्दा धेरै व्यक्तिमा परीक्षण गरिएको छ ।

कोरोनाको सङ्क्रमण अस्वाभाविक रुपमा बढेसँगै भारतका विभिन्न ठाउँमा लकडाउनको घोषणा भएको छ ।

केही दिनअघि आवश्यक निर्णय गर्न निर्देशन गर्दै प्रधानमन्त्री नरेन्द्र मोदीले विभिन्न राज्यका मुख्यमन्त्रीहरुसँग छलफल गरेका थिए ।


प्रतिक्रिया दिनुहोस्