पार्टीमा सबैभन्दा ठूलो समस्याको जड ओली : नेपाल

प्रकाशित मिति : जेष्ठ ३१, २०७८ सोमबार


काठमाडौं । नेपाल कम्युनिष्ट पार्टी एमालेका बरिष्ठ नेता माधव कुमार नेपालले पार्टीमा ३ बर्ष देखि लागेको खिया हटाउने प्रयास आफुहरुले गरेको बताएका छन।

नेपाल कम्युनिष्ट पार्टी एमाले नेपाल खनाल पक्षको युवा संघको राष्ट्रिय कार्यकर्ता भेलालाई सनिबार काठमाण्डौमा सम्बोधन गर्दै बरिष्ठ नेता नेपालले ३ बर्षदेखि पार्टीमा खिला लागेको र आफुहरुले खिया फाल्ने प्रयास गरिरहेको बताएका हुन।

पुर्ववत रुपमा रहेका पार्टीका सवै संरचनाहरुको बैठक, भेला लगायत कार्य गर्दै कार्यकर्तामा फेरि उही उत्साह र एकता भर्ने गरि विचारलाई सफा बनाउने काम भईरहेको उनले स्पष्ट पारे।

उनले भने “३ बर्षसम्म सबै तिर काईलागेको थियो खिया लागेको। खियालाई हामी विस्तारै हटाउदैछौ। काईलाई हटाउदै छौ। खिया हटाउदैछौ। फेरी हामी दाँत माझ्दैछौ। अब फेरी ब्रसिङ गरेर दाँतले हामी फ्रेस एयर दिनेछौ । गन्हाएको थियो मुख । फेरि ब्रस गरेर उत्साहीत बनाउदैछौ। झण्डै झण्डै हाम्रो मुख गन्हाएर हैरान भइसकेको थियो । फेरि हामीले त्यो फोहर मैलालाई तुतपेष्टले क्लीयर पारेर सफा र स्वच्छ वायुको साथसाथ प्राणवायु अनि फ्रेस अक्सिजन भरिन्छ फ्रेस अक्सिजन के हो? प्राणवायु के हो? माक्र्सवादको विचार हो । जसरी शरिरमा अक्सिजन चाहिन्छ त्यसैगरी संगठनमा विचार चाहिन्छ। त्यो विचारले उर्जा र शक्ति दिएर अघि बढ्नलाई प्रेरित गर्ने बताउनुभयो । ”

उनले पार्टी एकिकरणपछि एकता अगाडिकै अवस्थामा फर्कनु भनेर सर्वौच्च अदालतले फैसला गर्नु भनेको “जन्मेको बच्चा मान्दैनौ फेरि गर्भमा लैजाउ” भने जस्तै भएको टिप्पणी गरे।

उनले भने “सर्वोच्च अदालतले फैसला गरेछ, दुईवटा पार्टीले नेपाल कम्युनिष्ट पार्टी नेकपा बनाएको भएतापनि त्यो चाही हामी मान्दैनौ तिमीहरु पुरानै ठाउँमा फर्क भनेर उसले फैसला गरिदिएछ । यो जन्मेको बच्चा मान्दैनौ फेरि गर्भमा लैजाउ भने जस्तै फैसला हो । बच्चा जन्मिईसकेको छ। नयाँ संगठन अस्तित्वमा आईसकेको छ। त्यो मान्दिनँ भन्दियो सर्वोच्च अदालतले। फैसला गलत भएतापनि सर्वोच्च अदालतको फैसला भएकाले असहमति भएर पनि मान्दैनौ भन्न मिलेन। नाम मिलेन नाम जुध्यो भन्न सकिन्थ्यो। नाम फेरेर आउनुहोस् भन्न सकिन्थ्यो। नाम फेर्न पो भन्ने हो एकताको कुरै मान्दैनौ भन्न्ने। त्यो फैसलामा बहस फैसला त गर्दैगरौला तर हामी निर्णय मान्न बाध्य छौ।”
.
पार्टीमा सबैभन्दा ठूलो समस्याको जड नै अध्यक्ष केपी ओली भएको भन्दै उनले सर्वोच्च अदालतको फैसलापछि पुर्ववत संरचनालाई नै अस्तित्वमा ल्याउँ भन्ने आफुहरुको प्रस्ताव ओलीले नमानेको दाबी गरे।

उनले भन्ने “पुर्व एमाले व्युँतनुको अर्थ के हो भने ? पुर्व एमालेमा केपी ओली पनि आउनुपर्यो। हामी पनि त्यही ठाउँमा पुग्न पर्यो। केपी ओलीमा जाने होइन। यो कुरा प्रष्ट हुनुपर्यो। पुर्व एमाले व्युँतनु भनेको पुरानो संगठन फेरी व्युँताउने हो। आज पार्टी भित्र विवाद भईरहेको कुरा त्यही छ। पुर्व एमाले व्युँतिईसकेपछि कहिले कहाँ कुन मितिमा सुरु हुन्छ? आज पार्टीमा सबैभन्दा विवादको विषय त्यही छ। केपी ओली त्यो कुरा मान्न तयार हुनुहुन्न।”

मुलुकभर पार्टीका सबै संगठनको राष्ट्रिय भेला गरिने भन्दै उहाँले किसान संघ, उत्पिडीत समुदाय लगायतको राष्ट्रियभेला गरि पुर्नजीवन र पुर्नताजगी दिने बताए।

उनले लोकतन्त्रको पक्ष र प्रतिगमनकारी विरुद्धको आन्दोलनमा आफुहरु एकताबद्ध भएर अघि बढ्ने बताए। पार्टीको सुदृढिकरण र विस्तारका लागि धेरै भन्दा धेरै युवालाई संगठनमा आवद्ध गर्न पनि उनले कार्यकर्तालाई निर्देशन दिए।

उनले भने “हामी सानो चित्तका छैनौ। मन सानो छैन। चित्त सानो छैन । सबैलाई समावेश गर्ने गरि हामी जानेछौ । त्यसैले धेरै भन्दा धेरै युवालाई संगठनमा आवद्ध गर्नुहोस्।”

पार्टीको अवस्था देखेर झोक््रयाएर नबस्न उनले युवाहरुलाई निर्देशन दिए।

उनले नयाँ उत्साह र जोशका बैचारिक अभियानमा पार्टी लागेको भन्दै यो अभियानले कम्युनिष्ट विरोधीलाई परास्त गर्ने दाबी गरे।


प्रतिक्रिया दिनुहोस्