भारतमा कोरोना संक्रमण फेरि उच्च

प्रकाशित मिति : असार ५, २०७८ शनिबार


काठमाडौं । भारतीय प्रधानमन्त्री नरेन्द्र मोदीले भारतका विभिन्न सहरमा बढ्दो क्रममा रहेको कोरोना सङ्क्रमण नियन्त्रणबारे विभिन्न राज्यका मुख्यमन्त्रीहरुसँग छलफल गरेका छन् ।

भर्चुअल माध्यमबाट भएको छलफलमा मुख्यमन्त्रीहरुसँग कोरोनाविरुद्धको कोरोना सङ्क्रमण नियन्त्रणको प्रयास र खोप वितरणको योजनाबारे छलफल गरेको बीबीसीले जनाएको छ ।

छलफलका क्रममा भारतीय प्रधानमन्त्री मोदीले पछिल्लो पटक केही राज्यहरुमा फेरि सङ्क्रमण बढ्न थालेकाले यसको नियन्त्रणका लागि तुरुन्त कदमअघि बढाउन निर्देशन दिए ।

एक वर्षदेखि आम नागरिकले कोरोनासँग लडिरहेको र अहिलेसम्म सङ्क्रमितमध्ये ९६ प्रतिशत निको भइसकेको तथ्याङ्क प्रस्तुत गर्दै उनले तत्काल निर्णायक कदम चाल्न निर्देशन दिएका हुन् ।

यो पटक केही साना शहरहरुमा समेत आरडीटीपीसीआर परीक्षण बढाउनुपर्ने भन्दै उनले सबै राज्यमा कन्ट्याक्ट ट्रेसिङको कामलाई तीव्रता दिन आग्रह गरेका छन् । भारतका विभिन्न शहरमा पछिल्लो समय अस्वाभाविक रुपमा कोरोना संक्रमण बढिरहेको छ ।

भारतमा अहिलेसम्म एक करोड १४ लाखभन्दा धेरै व्यक्ति सङ्क्रमित भइसकेका छन् ।


प्रतिक्रिया दिनुहोस्