खोपको दोस्रो डोज वैशाख ७ गतेदेखि

प्रकाशित मिति : असार २, २०७८ बुधबार


काठमाडौं, । कोरोना भाइरसविरुद्ध पहिलो चरणमा कोभिसिल्ड खोप लगाएकालाई वैशाखमा दोस्रो डोज दिइने भएको छ । वैशाख ७ देखि ११ गतेसम्म दोस्रो डोज दिने निर्णय भएको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले बताए ।

मन्त्रालयका सचिव लक्ष्मण अर्यालको अध्यक्षतामा बुधबार बसेको इन्सिडेन्ट कमान्ड सिस्टमको बैठकले पहिलो चरणको खोप लिएका सबै नागरिकलाई दोस्रो डोज दिने निर्णय गरेको खबर अन्नपूर्ण पोष्ट दैनिकमा छ ।

पहिलो चरणको अभियान माघ १४ देखि फागुन १० गतेसम्म ४ लाखभन्दा बढीले पहिलो डोज खोप लगाएको मन्त्रालयले जनाएको छ । लक्षित समूहको झन्डै ८५ प्रतिशतले खोप लगाएका हुन् ।

दोस्रो चरणअन्तर्गत फागुन २३ देखि चैत ३ गतेसम्म पहिलो डोज लगाएका नागरिकलाई सूचनापछि प्रकाशन गरिने भएको छ । सरकारले ५५ वर्षदेखि ६४ वर्ष उमेर समूहका व्यक्तिलाई खोप लगाउने कार्यक्रम स्थगन गरेको छ ।

थप खोप प्राप्त हुनासाथ निरन्तरता दिइने स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले बताए । खरिद र अनुदान गरी २३ लाख ४८ हजार डोज खोप आएको छ ।

दोस्रो चरणको खोप अभियान फागुन २३ गते सुरु गरिएको थियो । ६५ वर्षभन्दा माथिका नागरिकलाई प्राथमिकता दिइएको थियो । १६ लाखभन्दा बढीले खोप लगाएको मन्त्रालयले जनाएको छ ।


प्रतिक्रिया दिनुहोस्