सरकार र विप्लव समूहबीच भएको सहमति सकारात्मक: थापा

प्रकाशित मिति : २० फाल्गुन २०७७, बिहिबार  १ : ०५


काठमाडौं । राष्ट्रिय प्रजातन्त्र पार्टी राप्रपाका अध्यक्ष कमल थापाले सरकार र विप्लव समूहबीच भएको तीन बुदेँ सहमति सकारात्मक भएको बताएका छन् ।

राप्रपाका अध्यक्ष थापाले विप्लवसँग भएकोे सहमति र सम्वाद शान्तिपूर्ण राजनीतिक माध्यमबाट समस्याको समाधान खोज्ने नेकपाको प्रतिवद्धता स्वागत योग्य भएको बताएका हुन् ।

उनले सामाजिक सञ्जाल टीटरमा लेखेका छन्,‘नेपाल सरकार र नेकपा विप्लव समुहका बिचमा भएको सहमति सकारात्मक छ।सम्वाद र शान्तिपूर्ण राजनीतिक माध्यमबाट समस्याको समाधान खोज्ने नेकपाको प्रतिबद्धता स्वागत योग्य छ।’

बिहीबार सरकार र विप्लव नेतृत्वको नेकपाबीच तीनबुँदे सहमति भएको छ। दुई दिन लामो वार्तापछि विप्लव समूहले आफ्नो सम्पूर्ण गतिविधि शान्तिपूर्ण रूपमा गर्ने तथा सरकारले विप्लव समूहमाथिको प्रतिबन्ध हटाउने, सम्पूर्ण बन्दीको रिहाइ र मुद्दा खारेजीलगायतका विषयमा सहमति भएको थियो।


प्रतिक्रिया दिनुहोस्