सरकार र विप्लव समूहको वार्ता टोलीबीच एकैदिन ३ पटक वार्ता

प्रकाशित मिति : चैत्र २९, २०७७ आइतबार


काठमाडौं । सरकार र नेत्रविक्रम चन्द ‘विप्लव’ नेतृत्वको नेकपाको वार्ताटोलीबीच एकैदिन ३ पटक वार्ता भएको छ।

दुई पटकसम्म प्रधानमन्त्री केपी शर्मा ओलीको निवास बालुवाटारमा भएको वार्ता तेस्रो पटक पुल्चोकस्थित गृहमन्त्री आवासमा भएको हो।

दोस्रो चरणको वार्ता सकेपछि लाजिम्पाटमा करिब डेढ घण्टा समय बिताएर निस्केको विप्लव समूहका वार्ताटोली संयोजक प्रकाण्डको टोली साँझ ७ बजे मन्त्री क्वाटरमा प्रवेश गरेको थियो। भेटमा के कुराकानी भएको भन्ने खुलाइएको छैन।

बा१८च ३९३४ नम्बरको गाडीमा चढेर गृहमन्त्रीको क्वार्टर पुगेका प्रकाण्ड र गृहमन्त्री रामबहादुर थापाबीच करिब ४५ मिनेट कुराकानी भएको स्रोतले जनाएको छ।

तेस्रो पटकको वार्ता पनि सकारात्मक रहेको र भोलि बिहीबार पनि वार्ता जारी रहने बताइएको छ।

तेस्रो पटकको वार्ता पुल्चोकस्थित गृहमन्त्री आवासमा भएको हो। तेस्रो पटकको वार्ता पनि सकारात्मक रहेको र भोलि बिहीबार पनि वार्ता जारी रहने बताइएको छ।


प्रतिक्रिया दिनुहोस्