अत्यधिक हावाहुरीले जापानमा झण्डै सय उडान रद्ध

प्रकाशित मिति : १६ माघ २०७७, शुक्रबार  ७ : २५


जापानमा शुक्रबार एकै दिनमा झण्डै एक सय उडान रद्ध भएका छन्।

अत्यधिक हावा हुरी र हिमपातका कारण यति धेरै उडानहरु रद्ध भएको अधिकारीहरूले जानकारी दिएका छन्।

हावा हुरी र हिमपात विषेश गरेर देशको उत्तरी भागमा परेको हो।

जापानका सवैभन्दा ठूला विमान सेवा प्रदायक कम्पनी मानिने अल निप्पन एयरवेज (एएनए) र जापान एयरलाइन्स (जेएएल)ले मात्रै क्रमशः ४६ र ३४ ओटा उडान रद्ध गरेको जनाइएको छ।

धेरै उडान होकाइदो र उत्तरी होन्शुबाट हुने उडान रहेको अधिकारीहरुले जानकारी दिएका छन्।

कुल ९८ ओटा उडान रद्ध भएको हो । होकाइदोमा शुक्रबार प्रति सेकेण्ड ३० मिटरको गतिमा हावा हुरी आएको थियो।


प्रतिक्रिया दिनुहोस्