दुई छोरीलाई विष खुवाइन्, आमा आफूले पनि पिइन्

प्रकाशित मिति : १५ माघ २०७७, बिहिबार  १२ : ४४


नवलपरासी । नवलपरासीमा एक महिलाले दुई छोरीसहित आफूले पनि विष सेवन गरी आत्महत्या गरेकी छन् ।

गएराति पश्चिम नवलपरासीको सरावल गाउँपालिका ५ धनगडवाकी ३५ वर्षीया अनिता चौधरीले आफूसँगै दुई छोरीलाई समेत विष खुवाएर आत्महत्या गरेको पाइएको  प्रहरीले जनाएको छ ।

विष सेवनका कारण उनकी १२ वर्षीया छोरी नेहा र १० वर्षीया हेमाको मृत्यु भएको जिल्ला प्रहरी कार्यालयका सूचना अधिकारी डिएसपी राजु लामाले जानकारी दिए ।

उपचारका क्रममा तीनै जनाको आज बिहान भैरहवा मेडिकल कलेजमा मृत्यु भएको डिएसपी लामाले बताए ।

विष सेवनपछि घरभित्र छट्पटिएपछि चिच्याएको आवाज सुनेपछि स्थानीय घरको छतबाट कोठामा पुगेका थिए ।

कोठामा दुई वटा चिया पिउने गिलासमा पानीजस्तो तरल पदार्थ देखिएकाले त्यसैमा विष राखेर छोरीहरूलाई दिएको हुन सक्ने प्रहरीले जनाएको छ ।

मृतक चौधरीका श्रीमान जितेन्द्र रोजगारीका लागि विदेशमा छन् । अनिता दुई छोरीसहित घरमा बस्दै आएकी थिइन् ।


प्रतिक्रिया दिनुहोस्