नयाँ फिल्मकालागि रेखाले २० किलो तौल घटाइन्

प्रकाशित मिति : फाल्गुन १३, २०७७ बिहीबार


काठमाडौं । अभिनेत्री निर्देशक तथा निमात्री रेखा थापा नयाँ फिल्मको तयारीमा जुटेकी छन् ।

अभिनेत्री थापाले आउँदो बैशाखदेखि होमप्रोडक्सनमा निर्माण हुने फिल्मलाई छायांकनमा लैजाने बताएकी छन् ।

निर्देशक रेनशा राइसँगको फिल्म निर्माण गर्ने हल्ला फिँजिए पनि अहिलेलाई थाँती राखेर रेखाले आफ्नै निर्देशनमा फिल्म निर्माण गर्ने भएकी छन् ।

एक्सनवाला फिल्म निर्माणमा जुटेकी रेखा अहिले गृहकार्यमा ब्यस्त रहेकी छन् ।

यसै फिल्मका लागि रेखा २० किलो तौल अटाएको समाचार बाहिरिएको छ । निर्माता , कलाकारका अलवा स्क्रिप्ट लेखकका रुपमा आफै लागि परेकी छन् ।

बैशाखबाट छायांकनमा जाने फिल्मको अभिनेता अहिले रेखाले गोप्य राखेकी छन् । उनले फिल्ममा नयाँ हिरो लिने बुझिएको छ ।

लकडाउनको समयमा नै फिल्म बनाउन तम्सिएकी रेखा प्रशिक्षक राखेरै एक्सन कला सिकिरहेकी थिइन् ।

अहिले पनि उनी आफुलाई नयाँ फिल्मका लागि मेन्टेन गरिरहेकी छन् ।

लकडाउनको सममयमा रेखाको फिल्ममा रेनशा राईले निर्देशन गर्ने भन्दै कागजी अनुबन्धित गरिएको थियो। तर पछिल्लो समय यो फिल्मको निर्माणमा ढिलाइ हुने जानकारी बाहिरिएको छ ।


प्रतिक्रिया दिनुहोस्