विप्लव समूहका मोरङ इन्चार्ज पेस्तोलसहित पक्राउ

प्रकाशित मिति : फाल्गुन १५, २०७७ शनिबार


मोरङ । नेकपा विप्लव समूहका मोरङ ‍जिल्ला इन्चार्ज डि।बि सिलवाल भनिने धनबहादुर विक पेस्तोलसहित पक्राउ परेका छन् ।

विकमाथि गत मंसिर २३ गते मोरङ मिक्लाजुङ गाउँपालिका(१ बर्खेका शिक्षक राजेन्द्र श्रेष्‍ठको हत्या गरेको अभियोग रहेको मोरङ प्रहरी प्रवक्ता डीएसपी मानबहादुर राईले बताए ।

बुधबार दिउँसो २ बजे मोरङ बुढीगंगा गाउँपालिका( ४ बाट उनी पक्राउ परेको मोरङ प्रहरीले जनाएको छ । उनको साथबाट १ थान सेमी अटोमेटिक पेस्तोल, ३ राउण्ड गोली, केही थान मोबाइल र सिम बरामद गरिएको छ ।

प्रहरीका अनुसार उद्योगी व्यवसायीहरुलाई धम्क्याई चन्दा असुलिरहेको सूचनाको आधारमा विकलाई पक्राउ गरिएको हो । उनी संखुवासभा मादी नगरपालिका(४ ओखरबोटे निवासी हुन् ।

 


प्रतिक्रिया दिनुहोस्