झापामा मोटरसाइकल चोरी गर्ने ७ जना पक्राउ

प्रकाशित मिति : २८ पुस २०७७, मंगलबार  ५ : १६


झापा । झापाका विभिन्न मिति र ठाउँबाट हराएका मोटरसाइकल तथा स्टकुटरहरु चोरी गरेको अभियोगमा ७ जनालाई शनिबार प्रहरीले पक्राउ गरेको छ ।

पक्राउ पर्नेहरुमा इलाम माइ नगरपालिका-२ बस्ने क्षितिज भन्ने २२ वर्षीय रोशन तामाङ, २० वर्षीय रोशन बुढाथोकी, सोही नगरपालिका-६ बस्ने २० वर्षीय रोशन गिरी, ३० वर्षीय राजेश गिरी, २० वर्षीय मनिष गिरी, पाँचथर फाल्गुनन्द गाउँपालिका-३ घर भई हाल झापा विर्तामोड नगरपालिका-५ बस्ने रोशन भन्ने २१ वर्षीय पासाङ तामाङ र ताप्लेजुङ सिदिङवा गाउँपालिका-४ बस्ने २२ वर्षीय सन्दिप लिम्वु रहेका छन् ।

मोटरसाइकल तथा स्टकुटरहरु चोरी भएको भन्ने सवारी धनीहरु मार्फत प्राप्त निवेदन तथा सूचनाको आधारमा उक्त चोरी गर्ने मानिसको खोजी गर्ने क्रममा विर्तामोडका विभिन्न स्थानहरुवाट मे ११ प १००, मे १० प २०६, लु ६६ प ४१६ नम्वरको मोटरसाइकल र प्र-१-०१-०१२-प २८२८ नम्वरको स्कुटर सहित उनीहरुलाई प्रहरीले पक्राउ गरेको हो ।

उनीहरु उपर जिल्ला अदालत झापाबाट चोरीजन्य कसुरमा म्याद थप भई अनुसन्धान कार्य भइरहेको जिल्ला प्रहरी कार्यालय झापाले जनाएको छ ।


प्रतिक्रिया दिनुहोस्